Piyoda “Kaptiva”dan jabr chekdi

Yo‘l harakati qoidalariga amal qilmaslik, xususan tezlikni belgilangan me’yordan oshirishning oqibati og‘irligi yo‘llarimizda sodir bo‘layotgan YTH misolida deyarli har kuni o‘z isbotini topib kelmoqda. Afsuski, haydovchilar orasida biror musibat yetmaguncha yo‘l harakati qoidalariga bepisand qaraydigan, svetoforning buyruqlariga amal qilmaydigan, piyodalarga hurmat bilan qaramaydiganlari bor va aynan ular tufayli kimdir sog‘lig‘idan, yana kimdir yaqinidan mosuvo bo‘lmoqda.

9 iyul kuni, chamasi soat 18.00da, KXAYning Chilonzor tumanidagi qismida haydovchi, 1966 yilda tug‘ilgan Jahongir B. o‘zining “Kaptiva” rusumli avtoulovini boshqarib ketayotib, trotuardan kelayotgan piyodani urib yuborgan. Natijada, 1968 yilda tug‘ilgan Gulnora.T chap oyoq boldir suyagi singan tashxisi bilan kasalxonaga yotqizilgan.

Hurmatli haydovchi va piyodalar! Yo‘l harakati qoidalariga amal qilishlik bilan, ham o‘zingiz, ham atrofdagilarning hayotini saqlashga hissa qo‘shgan bo‘lasiz. Yo‘llarda fikringizni jamlab, atrofga ziyrak boqing! Xatarli shoshilishdan, osuda хotirjamlik afzalligini unutmang!