TOSHKENT SHAHAR ICHKI ISHLAR BOSH BOSHQARMASI

Тошкент шаҳар Ички ишлар бош бошқармаси бошлиғи генерал-майор Азиз Ташпулатовнинг 1 октябрь – “Ўқитувчи ва мураббийлар куни” муносабати билан байрам табриги

Азиз устозлар, меҳрибон мураббийлар!Тошкент шаҳар Ички ишлар бош бошқармаси шахсий таркиби ва шахсан ўзимнинг номимдан барчангизни юртимизнинг эзгу байрамларидан бири Ўқитувчи ва мураббийлар куни билан табриклайман!Сизлар ўзингизнинг билимингиз, амалий тажрибангиз ва маҳоратингиз билан фарзандларимизни Ватанга содиқ инсонлар бўлиб етишишида, юрт равнақи учун муносиб ҳисса қўшишида камарбаста бўлиб келмоқдасиз. Фурсатдан фойдаланиб, Сизларни касб байрамингиз билан чин қалбимдан муборакбод этаман. Сизларга бу машаққатли, лекин шарафли касбингизни адо этишингизда мустаҳкам соғлиқ, бахт-саодат, юксак зафарлар тилайман! Тошкент шаҳар ИИББ бошлиғи генерал-майор Азиз Ташпулатов

30 Sentyabr 2022 Yil

28

Тошкент шаҳар ИИББ: болалар саломатлиги, уларнинг ҳаёти ва хавфсизлигини таъминлаш учун барчамиз масъулмиз

Тошкент шаҳар ИИББда бош бошқарма бошлиғи ўринбосари, полковник Aбдувосит Aбдуразоқов, шаҳар прокуратураси масъул ходими Олим Раимов, Тергов бошқармаси, шаҳар прокуратураси ходимлари ҳамда мактабгача таълим муассасалари ва аутсорсинг компаниялари директорлари иштирокида профилактик йиғилиш ўтказилди. Мазкур тадбирда мактабгача таълим муассасаларида болалар ҳаёти ва саломатлигини муҳофаза қилишни ташкил этиш борасидаги ишлар муҳокама қилинди. Сўзга чиққанлар, мактабгача таълим муассасалари масъул ходимларининг масъулиятсизлиги ва бепарволиги оқибатида содир бўлган айрим нохуш ҳолатларни мисоллар билан айтиб ўтишди. Шунингдек, болалар ҳаёти ва соғлиғини муҳофаза қилишни кучайтириш мақсадида, таълим муассасаларида чора-тадбирларни сифатли белгилаш, куз-қиш мавсумига тайёргарлик кўриш ва уни муваффақиятли ўтказиш юзасидан тегишли тавсия ва тушунтиришлар берилди. Аутсорсинг корхоналарига мактабгача таълим муассасаларига етказиб берилаётган озиқ-овқат маҳсулотларининг сифати, яроқлилик муддатига эътибор қаратиш, санитария-гигиена қоидаларига қатъий риоя қилиш, болалар саломатлиги учун масъулиятни янада ошириш тавсия этилди.Йиғилиш якунида, муҳокама этилган масалалар юзасидан тегишли қарорлар қабул қилинди.

30 Sentyabr 2022 Yil

81

Расмий муносабат

Ижтимоий тармоқларда Чилонзор туманида бир нечта фуқароларни спорт заллардан олиб чиқиб кетишганлиги ҳақидаги хабарлар тарқалмоқда. Ҳолат юзасидан қуйидагиларни маълум қиламиз.Чилонзор тумани ИИО ФМБ тергов бўлими иш юритувида фуқаро А.А.га нисбатан Ўзбекистон Республикаси Жиноят кодексининг 244-2-моддаси (Диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш) аломатлари билан қўзғатилган жиноят иши тергов қилинмоқда. Мазкур фуқаро халқаро террористик ташкилотларга қўшилиш мақсадида Ўзбекистон ҳудудидан чиқиб кетаётган вақтида қўлга олинган. Мазкур жиноят иши доирасида гумонланувчининг жиноий шерикларини аниқлаш мақсадида бир нечта фуқаролар тергов идораларига чақиртирилган, бироқ айрим фуқаролар узрли сабабларсиз тергов органларига келишдан бош тортганлиги сабабли, улар ҳудудий туман ИИО ФМБга мажбурий тартибда олиб келинган. Айрим фуқаролар Чилонзор туманидаги спорт залларда бўлишган ва туман ИИО ФМБга олиб борилган. Келтирилган ҳар бир фуқаро билан суҳбат ўтказилиб, жиноят ишига алоқадор бўлмаган фуқаролар қўйиб юборилган. 3 нафар фуқарога нисбатан жиноят иши доирасида қамоққа олиш эҳтиёт чораси қўлланган. Тергов давом этмоқда.

30 Sentyabr 2022 Yil

31

Interaktiv xizmatlar

Belgilangan matnni tinglash uchun quyidagi tugmani bosing Powered by GSpeech