Асосий вазифа – муаммоларни аниқлаш ва уларни ҳал этишда ёрдам бериш

Тошкент шаҳар ИИББга фуқаролар кўп қаватли уйлардан жой олган салонлардаги массаж таклифлари, турли хил SPA-салонлар ҳақидаги эълонларни текшириб беришни сўраб мурожаат қилишади. Ҳар бир бу каби мурожаат текширилади. Агар фуқароларнинг шубҳалари тасдиқланса, масъул шахсларга нисбатан амалдаги қонунчиликка мувофиқ чора кўрилади. Қизлар билан индивидуал ишлар олиб борилади: хотин-қизлар масалалари бўйича инспекторлар улар билан суҳбатлашиб, қандай қийинчиликларга дуч келганлиги ҳақида суриштириб, муаммоларни ҳал қилишда ёрдам беришади. Зарур ҳолларда психологик ёрдам кўрсатиш учун Тошкент шаҳар ИИББ психологик таъминто гуруҳи мутахассислари таклиф этилади. 

22 май куни соат 22.30 да Юнусобод туманидаги салонлардан бирида 43 ёшли О.У. 500.000 сўм эвазига ҳилват учун шароит яратган. Мазкур факт асосида Ўзбекистон Республикаси Жиноят кодексининг 131 моддаси («Қўшмачилик қилиш ёки фоҳишахона сақлаш») бўйича жиноий иш қўзғатилди.

27 май куни соат 20.00 да жиноят қидирув ходимлари томонидан профилактик тадбирлар олиб борилиши вақтида Шайхонтоҳур туманидаги салонлардан бирида 22 ёшли К.М. 100 АҚШ доллари эвазига интим хизматлар учун хона ажратиб бериши маълум бўлди. Мазкур факт асосида Ўзбекистон Республикаси Жиноят кодексининг 131 моддаси («Қўшмачилик қилиш ёки фоҳишахона сақлаш») 2 қисми бўйича жиноий иш қўзғатилди.