Тошкент шаҳар ИИББ шахсий таркиби билан ўтказилган навбатдаги Маънавият ва маърифат дарси “Ўзбекнинг туркман шоири” мавзусига бағишланди. Тадбирда Ўзбекистон миллий университети вакили Вали Умаралиев маъруза қилди. У ўз нутқида, Махтумқули шеърларида туркман халқининг ҳаёти, урф-одатлари, ўз даврининг муҳим ижтимоий-сиёсий ҳодисалари, ўзининг ички кечинмалари теран ифода этилганлигини алоҳида таъкидлаб ўтди. 

Тадбир якунида йиғилиш иштирокчиларга “Абдулла Авлоний” ва “Нафснинг сўнгги манзили” номли видеороликлар ҳамда “Таҳлилнома” ахборот дастури намойиш этилди.