2018 йил 2 декабрь куни соат 01:30 да Тошкент шаҳар ИИББ ходимлари автомобиль ичидан ўғирлик содир этганликда гумонланувчи Сергели туманида яшовчи 18 ёшли К.Е. исмли шахсни Сергели-7 даҳасида қўлга олишди.
Текширув давомида гумонланувчининг ёнидан 3 та "Redmi" русумли мобиль телефонлар, 80 евро, 50 турк лири, 4 АҚШ доллари ва 60 минг сўм топилди. Шунингдек маълум бўлдики, гумонланувчи Сергели-7 даҳасида турган "Спарк" русумли автомобилнинг эшигини бузиб очиб, унинг ичидан ўғирлик содир этган.
Тергов ишлари давом эттирилиши учун К.Е. Сергели тумани ИИО ФМБ 3-сон ИИБ ходимларига топширилди.
Ҳурматли фуқаролар! Шахсий мулкингизни эҳтиёт қилинг! Автомобиль ичида қимматбаҳо буюмларни қолдирилиши, ҳуқуқбузарликка мойиллиги бўлган шахсларни жиноят содир этишларига сабаб бўлиши мумкин.