Yashnobod tumanidagi 52-sonli ixtisoslashtirilgan maktabda Xalqaro xotin-qizlar kuni munosabati bilan “Bu mening onam” bayram tadbiri tashkil etildi. Tadbirda Yashnobod tumani shaharni ijtimoiy-iqtisodiy rivojlantirish bo`yicha uchinchi sektor rahbari podpolkovnik O.Qaimxo‘jayev hamda tuman IIO FMB mas’ul xodimlari ishtirok etdilar.
Yorqin konsert dasturi tayyorlandi. Konsertda mehribon onalarga bag‘ishlangan kuy-qo‘shiqlar, she’rlar yangradi, teatrlashtirilgan sahna ko‘rinishlari namoyish etildi. Tadbir davomida tuman 3-sektor rahbari podpolkovnik O.Qaimxo‘jayev tomonidan imkoniyati cheklangan bolalarga maxsus nogironlik aravachalari sovg‘a qilindi.