“Xotin-qizlarni e'zozlash” haftaligi e'lon qilinganligi munosabati bilan Sergeli tumani IIO FMB XQMB katta inspektorlari tashabbusi bilan Sergeli tumani hududida yashovchi kam ta'minlangan, muqaddam sudlangan, probasiya hisobida turuvchi hamda mahallalardagi faol ayollarni ma'naviy-ma'rifiy ongini oshirish maqsadida, Toshkent shahrida joylashgan Abdulla Qodiriy nomidagi muzeyga ekskursiya tashkil etildi. Ular buyuk yozuvchi Abdulla Qodiriyning yashagan uylari, sharoitlari bilan yaqindan tanishishdi.

Shuningdek, Bektemir tumani IIO FMB xotin-qizlar masalalari bo‘yicha katta inspektorlari “Xotin-qizlarni e'zozlash” haftaligi doirasida tumanda ijtimoiy himoyaga muhtoj, nogironligi bo‘lgan, yolg‘iz yashovchi xotin-qizlarning holidan habar olishdi. Jumladan, Bektemir tumani “Abay” va “Xusayn Boyqaro” mahallalarida yashovchi yoshi katta onaxonlarning xonadonlarida bo‘lishib, ularga oziq-ovqat mahsulotlarini taqdim etishdi. Shu bilan birga, tadbirga tibbiyot xodimlari jalb etilib, ayollar manzilli tibbiy ko‘rikdan o‘tkazildi, muammolari bartaraf etildi.