Yaqinda Toshkent shahar IIBBda bosh boshqarma markaziy apparati, YHXB, PPX Brigadasi hamda barcha tuman IIO FMBlari shaxsiy tarkibi bilan uchrashuv bo‘lib o‘tdi.

Tadbir davomida IIV tomonidan tayyorlangan “Korrupsiya jaholatga yo‘l” nomli videofilmi namoyish etildi. Shuningdek, shaxsiy tarkibga so‘nggi yillarda mamlakatimizda ichki ishlar organlari faoliyatini takomillashtirish bo‘yicha o‘tkazilayotgan islohotlar, tizimning moddiy texnik taʼminotini, xodimlarning ijtimoiy himoyasini yaxshilash borasida amalga oshirilgan ishlar, xususan muhtaram Prezidentimizning joriy yil 8 fevraldagi “Ichki ishlar organlari xodimlarini ijtimoiy himoya qilish tizimini yanada yaxshilash chora-tadbirlari to‘g‘risida”gi PQ-118-son qarori mazmun-mohiyati to‘g‘risida maʼlumot berildi.

Tadbir ishtirokchilari bilan xizmat intizomi va qonunchilikka rioya qilish masalalari muhokama qilinib, aniq vazifalar belgilab berildi.