1 iyun - Xalqaro bolalarni himoya qilish kuni arafasida, Toshkent shahar IIBB YHXB xodimlari "Adolat" sotsial-demokratik partiyasi aʼzolari bilan hamkorlikda, Olmazor tumanida joylashgan 106-sonli zaif eshituvchi bolalar ixtisoslashtirilgan maktab-internati o‘quvchilari uchun bayram tadbiri tashkil etildi. Tadbir davomida bolalarning vaqtlarini mazmunli tashkil etish va yo‘l harakati qoidalari bilan yaqindan tanishtirish maqsadida, Yashnobod tumanidagi "Uch avlod" bog‘ida bolajonlar uchun Yo‘l harakati qoidalari bo‘yicha bilimlarini sinash maqsadida viktorina o‘tkazildi. Viktorinadan so‘ng, bolalar qalbiga yanada ko‘proq quvonch ulashish istagida tadbir tashkilotchilari «Anhor-lokomativ” bog‘iga ham sayr uyushtirishdi. Maroqli hordiqdan so‘ng bolajonlar bayram dasturxoniga taklif etildilar.