Toshkent shahar IIBB xizmat vazifalarini ado etish vaqtida halok bo‘lgan xodimlarning farzandlarini bayram bilan tabriklashdi

Махсус имкониятлар:

Биз ижтимоий тармоқларда:

31 Май 2022 йил 1624

Toshkent shahar IIBB xizmat vazifalarini ado etish vaqtida halok bo‘lgan xodimlarning farzandlarini bayram bilan tabriklashdi

1 iyun' - Xalqaro bolalarni himoya qilish kuni munosabati bilan Toshkent shahar IIBBda el yurt tinchligi va osoyishtaligi yo‘lida halok bo'lgan xodimlarning farzandlari uchun bayram tadbiri uyushtirildi.
Yurtimizda hech bir bola mehr va e'tibordan chetda emas. Xalqimiz tinchligi yo‘lida halok bo‘lgan ichki ishlar xodimlarining farzandlariga bayram kayfiyatini ulashish maqsadida, Toshkent shahar IIBB rahbariyati va birlashgan kasaba uyushmasi qo‘mitasi bilan hamkorlikda bolajonlar uchun sayohat tadbirlarini tashkil etdi. Bolajonlar dastlab Bosh boshqarma hovlisida o‘rnatilgan memorial yodgorlik yonida Qaxramon otalarni xotirlashdi. Shundan so‘ng bolajonlar Bosh boshqarmaning “Shon sharaf” muzeyida bo‘lishib tarixiy eksponatlarni katta qiziqish bilan tomosha qilishdi. Bosh boshqarma tomonidan taqdim etilgan sovg‘alar bolalarni yanada xushnud etdi. Shundan so‘ng bolajonlar «Magic City» parki tomon yo‘l olishdi.
Park okeanariumiga uyushtirilgan sayohat esa bolajonlarni xuddi ertaklardagidek suv osti saltanati mo‘jizalariga yetakladi.
Ummon go‘zalliklarini o‘zida jamlagan bu joydan bolajonlar katta taassurotlar bilan chiqib, parkdagi qiziqarli attraksionlarda sayohatni davom ettirishdi.
Shuningdek, kichik mehmonlar uchun bayram dasturxoni uyushtirildi.