Тошкент шаҳар ИИББ бошлиғи генерал-майор Aзиз Ташпулатов Юнусобод туманидаги “Ўзбекистон Мустақиллиги” маҳалласида навбатдаги сайёр қабул ўтказди. Унда туман ҳокимининг ўринбосарлари, Бош бошқарманинг масъул ходимлари ҳамда мутассади ташкилотлар вакиллари иштирок этдилар. Сайёр қабул давомида фуқаролардан 35 тадан зиёд мурожаатлар келиб тушди ва аксарияти жойида ижобий ҳал этилди. 4 нафар фуқарога ҳуқуқий маслаҳатлар берилди.
Мурожаатларда асосан соғлиқни сақлаш, таълим, бандлик билан таъминлаш, уй-жой, моддий ёрдам, имтиёзли кредит, маҳалла ҳудудида мактабгача таълим муассасасини қуриш, ободонлаштириш каби масалалар кўтарилди. Шунингдек, қабул давомида 6 нафар ёшларга зарур жиҳозлар, касб-ҳунар ўрганиш курсларида ўқиш ҳамда контракт тўловини тўлаш учун сертификатлар, шунингдек, ногиронлиги бўлган 2 нафар фуқарога ногиронлик аравачалари топширилди.
Бу каби учрашувлар шаҳарнинг барча туманларида ўтказилмоқда.