Ijtimoiy tarmoqlarda Shayxontohur tumanida sodir bo‘lgan YTH haqidagi videolavhalar tarqalmoqda. Shu munosabat bilan quyidagilarni ma'lum qilamiz.

2022 yil 17 mart kuni taxminan soat 13:55 da Shayxontohur tumani, Qoratosh ko‘chasi “Media park” qarshisida, haydovchi 1998 y.t., R.A. “Nexia” rusumli, davlat raqam belgisi 70 U 596 OA avtomashinasini boshqarib ketayotib, haydovchi 2002 y.t., A.Yo. “Spark” rusumli, davlat raqam belgisi 20 R 362 EA avtomashinasi bilan to‘qnashuv sodir etgan. To‘qnashuv natijasida tan jarohati olganlar aniqlanmadi.

YTH bo‘yicha dastlabki ma'lumotlarga ko‘ra: “Nexia” rusumli avtomashina haydovchisi to‘g‘ridan kelayotgan transport vositasini o‘tkazib yubormay, chorrahadan chapga burilgan. “Spark” rusumli avtomashina haydovchisi esa chorrahaga yaqinlashganda tezligini kamaytirish choralarini ko‘rmagan.

Hurmatli haydovchilar! Yo‘llarda harakatlanayotganda hushyor bo‘ling hamda yo‘l harakati qoidalariga rioya qiling. Hayotingiz va sog‘lig‘ingizga befarq bo‘lmang.