23-mart kuni Yashnobod tumani IIO FMBga 33 yoshli Оdilbek R. murojaat qilib, noma’lum shaxs uning xonadoniga kirib, ichida 100 AQSh dollari, 500.000 so‘m, pasport va kadastr hujjatlari bo‘lgan seyfini o‘g‘irlab ketganini ma’lum qilgan. Mazkur holat yuzasidan O‘zbekiston Respublikasi Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilgan. Ko‘rilgan chora-tadbirlar natijasida, jinoyatni sodir etishda gumonlanuvchi shaxs aniqlanib, 28 yoshli Bobur E. qo‘lga olindi. Tergov davom etmoqda.