ИИВ Академиясида, 2021 йилнинг ноябрь ойида Тошкент шаҳар ИИББ ва Сеул шаҳар полицияси ўртасида имзоланган ҳамкорлик тўғрисидаги меморандум доирасида ички ишлар органлари ходимлари учун семинарлар ташкил этилди. Мазкур меморандумга мувофиқ, Сеул ва Тошкент шаҳарларининг ҳуқуқ-тартибот идоралари ўртасидаги ҳамкорлик йўналишларини мустаҳкамлаш ва кенгайтириш режалаштирилган.
Жорий йилнинг 19 апрель куни Тошкент шаҳар ИИББ бошлиғи генерал-майор Азиз Анварович Ташпулатов Сеул шаҳар халқаро полиция бошқармаси бошлиғи Лим Ман Сук билан учрашди. Учрашув давомида ўзаро ҳамкорлик ва тажриба алмашиш масалалари муҳокама қилинди.