Ўзбекистон республикаси Президентининг маҳаллаларда хавфсиз муҳитни яратиш йўналишида яхлит манзилли ишлаш тизимини жорий этишга қаратилган қарорининг ижросини таъминлаш мақсадида пойтахтнинг Сергели туманида амалий тадбирлар ташкил этилди. Тадбирда туман туман ИИО ФМБ бошлиғи Б.Анваров, прокурор Ў.Давланов ҳамда мутасадди ташкилот раҳбарлари иштирок этиб, тумандаги “Иттифоқ” ҳамда “Нилуфар”маҳаллаларида ўрганишлар олиб боришди. Ташриф давомида маҳаллалар “еттилиги” билан учрашув ўтказилди. Профилактика инспекторларининг хизмат фаолияти ўрганилиб, қарор талабларини амалиётга татбиқ этилиши самарадорлигини ошириш юзасидан тегишли тавсиялар берилди. Ҳуқуқбузарликларнинг барвақт олдини олиш, аҳоли билан ҳамкорликни кучайтириш масалаларига алоҳида эътибор қаратилиб, сайёр қабуллар ташкил этилди. “Иттифоқ” маҳалласида яшовчи 10 нафар фуқаронинг мурожаатлари тингланиб, 5 нафарининг муаммолари жойида ҳал этилди. 2 та мурожаатнинг ижроси назоратга олинди. 3 нафар мурожаатчига асослантирилган ҳуқуқий тушунтириш берилди. Шунингдек, 2 нафар ёшнинг муаммоли масалалари ўрганилиб уларнинг мурожаатлари жойида ижобий ҳал этилди. “Нилуфар” маҳалласида истиқомат қилувчи 12 нафар қабул қилинган фуқароларнинг 6 нафариники жойида ҳал этилган бўлса, 2 тасининг ижроси назоратига олинди, 4 тасига ҳуқуқий малакали тавсиялар берилди. Аҳоли мурожаатлари билан ишлаш, уларнинг муаммоларини ўз вақтида бартараф этиш ҳамда ҳудудларда ҳуқуқбузарликларнинг олдини олиш борасидаги ишлар барча туманларда тизимли равишда давом эттирилмоқда.