“9 май – Хотира ва қадрлаш куни” муносабати билан Тошкент шаҳар ИИББ бошлиғи генерал-майор Азиз Ташпулатов уруш фахрийларидан хабар олди. Иккинчи жаҳон урушида фашизмга қарши мардоновор кураш олиб борган, ғалаба учун ўзининг муносиб хиссасини қўшган қахрамонларимиз Афанасий Данилович, шунингдек Вера Анатольевналарнинг хонадонида байрам тадбири уюштирилди. Уларга Президентимиз томонидан йўлланган байрам табриги ўқиб эшиттирилиб, давлатимиз томонидан берилган 15 миллион сўм пул мукофоти ва “Мустақиллик” монументи ҳамда совғалар тантанали равишда топширилди. Бугунги тинч ва осойишта ҳаётимиз учун курашган мана шундай инсонлар жасорати, улар кечирган оғир кунлар ёди авлодлар хотирасида ибрат мактаби бўлиб, абадий мухрланиб қолади.
Зеро, инсон хотира билан тирик, қадр билан улуғ! Ўзбек халқи юрт фаровонлиги ва тинчлиги йўлида жонбозлик кўрсатган мард фарзандларини ҳеч қачон унутмайди.