Obodonlashtirish va ko‘kalamzorlashtirish tanti va mehnatkash xalqimizga xos azaliy xislatlardan biridir. Shu boisdan, Toshkent shahar IIBB xodimlari ham “Yashil makon” umummilliy loyihasi doirasida ko‘chat ekish va obodonlashtirish ishlarida faol ishtirok etmoqda.

Jumladan, kuni kecha Mirzo Ulug‘bek tumani IIO FMB xodimlari tomonidan 3- sektor hududiga biriktirilgan mahallalarda bir qator ishlar amalga oshirilgani natijasida ko‘chalar to‘liq tozalandi, mavjud daraxtlar oqlandi. Shuningdek, mahallalarda ekologik vaziyatni yanada yaxshilash maqsadida mevali, manzarali daraxtlar, hamda mavsumiy gullar ham ekildi.