20 Yanvar 2023 Yil 525

Toshkent shahar IIBB xodimlari muhtojlarga manzilli yordam ko‘rsatishmoqda

Toshkent shahar IIBB xodimlari anomal sovuq sababli yuzaga kelgan holatda qiyin sharoitda qolganlarga yordam ko‘rsatishda davom etmoqdalar. Xususan, xotin-qizlar masalalari bo‘yicha katta inspektorlar hududiy profilaktika inspektorlari bilan birgalikda uyma-uy yurib, kam taʼminlangan oilalar, yolg‘iz keksalar, nogironligi bo‘lgan oilalardan xabar olishdi.

Yaqinda xodimlar Shayxontohur tumani Xadra mahallasida yashovchi 87 yoshli Tamara Vasilyevnaning holidan xabar olib, uning turmush sharoiti, muammolari bilan qiziqdi. Ular migratsiya va fuqarolikni rasmiylashtirish xizmati xodimlari bilan birgalikda sog‘lig‘ida muammo bo‘lgan ushbu ayolga muddati o‘tgan pasportini ID-kartaga almashtirishga yordam berishdi. Shuningdek, Jangoh mahallada yashovchi yolg‘iz yashovchi keksa Maʼsuda opaning holidan xabar oldilar. Ayolga imtiyozli asosda sanatoriyga yo‘llanma berildi. Shuningdek, yordamga muhtoj aholiga oziq-ovqat mahsulotlari, issiq kiyim-kechaklar to‘plami topshirildi.

Murakkab hayotiy vaziyatga tushib qolgan fuqarolarga yordam ko‘rsatish va qo‘llab-quvvatlash ishlari barcha tuman IIO FMB xodimlari tomonidan amalga oshirilmoqda.

Barcha yangiliklar

Text to speech