Пойтахт ҳокими бошчилигидаги ишчи гуруҳнинг навбатдаги ташриф манзили муайян яшаш жойига эга бўлмаган шахслар, шу жумладан нафақат Ўзбекистон, балки қўшни давлатлар фуқаролари ҳам вақтинча истиқомат қилиши учун мўлжалланган "Меҳр ва саховат" махсус объекти бўлди.

       Совуқ мавсумда бу ерда 300 нафаргача, илиқ мавсумда эса 100 нафаргача одам жойлаштирилади. Истиқомат қилувчиларга бошпана, кунига уч маҳал иссиқ овқат, шахсни тасдиқловчи ҳужжатларни расмийлаштириш ва тиббий ёрдам кўрсатилади. Барча хизматлар бепул тақдим этилади - Ижтимоий ҳимоя агентлиги кўмагида, у муҳтожларга тикланишнинг барча босқичларида ҳамроҳлик қилади.

Қуйидаги масалалар муҳокама қилинди:
- барқарор молиялаштириш манбаи ва объектнинг ишлаш тизимини яратиш
- ҳуқуқий мақом ва хавфсизликни таъминлаш
- ходимларнинг штат таркибини шакллантириш
- даволаш ва тикланишни ташкил этиш
- қариндошларни қидиришда кўмаклашиш ва ихтисослаштирилган муассасаларга тўғри йўналтириш

       Мақсад доимий таъминот эмас, балки одамларга тикланиш, зарур ёрдам олиш ва тўлақонли ҳаётга қайтиш учун янги имкониятларга эга бўлишга ёрдам берадиган ҳар томонлама қўллаб-қувватлашдир.

© Тошкент шаҳар ҳокимлиги Матбуот хизмати