7-yanvar kuni internet tarmogʻida bir nechta mashinalar ishtirokida roʻy bergan YTHning videosi tarqaldi. Ma’lum qilamizki, 7-yanvar kuni taxminan soat 10.50 da Chilonzor tumani Bunyodkor koʻchasida uchta transport vositalari: “Spark”, “Malibu” va “Spark” avtomobillari ishtirokida YTH sodir boʻldi. Toʻqnashuv natijasida “Spark” avtomobilining yoʻlovchisi badan shikastlari bilan tibbiy yordam uchun murojaat qildi. Mazkur fakt boʻyicha Toshkent shahar IIBB YHXB xodimlari tomonidan surishtiruv oʻtkazilmoqda. 5 ta avtomobillar: “Nexia”, “Cobalt”, “Lacetti”, “Cobalt”, “Malibu 2” avtomobillari ishtirokidagi YTH haqida haydovchilar navbatchilik qismiga murojaat qilmaganlar.