Yaqinda Toshkent shahar IIBBda O‘zbekiston Respublikasi IIV Ma’naviy-ma’rifiy ishlar va kadrlar bilan ta’minlash xizmati, IIV Shaxsiy xavsizlik bosh boshqarmasi Toshkent shahar bo‘yicha boshqarmasi mas’ul xodimlari shuningdek bosh boshqarma va uning quyi tizimlarida xizmat olib borayotgan ayol xodimalar o‘rtasida xizmat intizomi va qonunchilikka amal qilish va kelgusida amalga oshirilishi lozim bo‘lgan vazifalarni belgilash to‘g‘risida yig‘ilish bo‘lib o‘tdi. Tadbirga ichki ishlar organlari faxriylari va shahar IIBB Tibbiyot bo‘limi mutaxassislari taklif qilindi.
Tadbir ishtirokchilari bilan belgilangan talab va qoidalarni buzilishiga yo‘l qo‘yib bo‘lmasligi haqida suhbat olib borildi. IIO xodimlari tomonidan xizmat intizomi buzilishi sabablari, xizmat vazifalariga mas’uliyatsizlik bilan yondashish holatlari muhokama qilindi.
Yig‘ilishdan so‘ng IIBB MMIvaKBTX hamda Yakkasaroy tumani IIO FMB katta psixologlari tomonidan ishtirokchilar uchun trening tashkil etildi. Psixologlar trening davomida ichki ishlar organlarining ayol xodimalariga charchoq va stressni yengish, xizmat davomida turli xil voqealarni psixologik holatga ta’sirining oldini olish uchun zarur bo‘lgan ko‘nikmalarni o‘rgatishdi.
Tadbirdang so‘ng xodimlar uchun Toshkent shahar IIBBga tanishuv ekskursiyasi tashkil etildi.