Жорий йилнинг 10 март куни Шайхантоҳур тумани ИИО ФМБга 44 ёшли Нафиса У. уйидан пул ва тилла тақинчоқлари йўқолганлиги ҳақида ариза билан мурожаат қилган. Мазкур ҳолат юзасидан Ўзбекистон Республикаси Жиноят кодексининг 169-моддаси (“Ўғрилик”) билан жиноят иши қўзғатилган. Аниқланишича, номаълум шахс хонадонга калит танлаш йўли билан кириб, жами 600 АҚШ доллари ва 27.840.000 сўмлик тилла тақинчоқларни ўғирлаб кетган. Кўрилган чора-тадбирлар натижасида, ушбу жиноятни содир этишда гумон қилинган 21 ёшли Сардорбек М. аниқланиб, қўлга олинган. Тергов давом этмоқда.