26 May 2023 Yil 539

Toshkent shahar IIBBda kitobxon xodimlar uchun qator tadbirlar tashkil etildi

“Manaviyat oyligi” doirasida Toshkent shahar IIBBda kitob yarmarkasi tashkil etildi hamda “Zukko kitobxon” ko‘rik-tanlov o‘tkazildi. Tadbirlardan ko‘zlangan maqsad poytaxt Ichki ishlar organlari xodimlarining kitobxonlik madaniyati, ma'naviy-ma'rifiy va huquqiy bilimini oshirishdan iborat.

Kitob yarmarkasida mamlakatimizdagi yirik nashriyot va matbaa korxonalari mahsulotlari namoyish etildi. Kitobsevarlar huquqiy mavzudagi yangi nashrlar, ilmiy-ommabop kitoblar, o‘zbek adabiyoti klassiklari, xorij mualliflarning asarlarini xarid qilish imkoniga ega bo‘ldilar.

Qayd etish joizki, bu gal kitobxonlar tanlovi uch bosqichda o‘tkazildi. Dastlab yosh huquq-tartibot idoralari xodimlari o‘zbek adabiyoti klassiklari va xorijiy adiblar asarlarini bilish bo‘yicha bellashdi. Ikkinchi bosqichda ishtirokchilar adiblar hayoti va ijodi haqida so‘zlab berishdi. So‘nggi bosqichda xodimlar she'riyat bilimi bo‘yicha bellashdilar.

Barcha turlar yakuniga ko‘ra, Yunusobod tumani IIO FMB jamoasi g‘olib bo‘ldi, shiddatli kurashda ikkinchi o‘rinni Chilonzor tumani IIO FMB kitobxonlari, uchinchi o‘rinni Olmazor tumani IIO FMB vakillari egallashdi.

Musobaqa g‘olib va sovrindorlari diplom va qimmatbaho sovg‘alar bilan taqdirlandi.

Barcha yangiliklar

Text to speech