Ўзбекистон Республикаси ҳуқуқни муҳофаза қилиш Академияси бакалавриятининг “Тергов фаолияти” йўналишига 2023/2024-ўқув йили учун ўқишга ҳужжат топшириш истагида бўлган шахслар 2023 йилнинг 15 май кунига қадар (соат 09:00 дан 18:00 гача) Тошкент шаҳар Ички ишлар бош бошқармаси Маънавий-маърифий ишлар ва кадрлар билан таъминлаш хизматига (Тошкент шаҳар, Миробод тумани, Саид Барака кўчаси, 7-уй) мурожаат қилишлари мумкин.

Номзодларга қўйилган талаблар:

- Ўзбекистон Республикаси фуқароси бўлиши;

- Тошкент шаҳрида доимий рўйхатда бўлиши;

- ёши ўн еттидан кичик ва йигирма бешдан (муддатли ҳарбий химзатни ёки сафарбарлик чақируви резервидаги ҳарбий хизматни ўтганаларнинг ёши эса йигирма олтидан) катта бўлмаслиги;

- ўрта (11-синф), ўрта-махсус ва профессионал маълумотга эга бўлиши;

- эркак номзодларнинг бўйи 165 сантиметрдан, аёл номзодларнинг бўйи 160 сантиметрдан паст бўлмаслиги талаб этилади.

Танлов шартлари:

Танлов тўрт (дастлабки танлов, махсус психологик танлов, ёзма имтиҳон (диктант) ва тест синови) босқичдан ўтказилади.

- дастлабки танлов номзодларнинг ҳужжатларини тўплаш ва ўрганиш (махсус ўрганиш) ҳамда тиббий кўрикдан ўтказиш, ҳудудий ички ишлар органлари томонидан амалга оширилади.

- махсус психологик танлов, ёзма имтиҳон (диктант) ва тест синовлари Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан ўтказилиши.