“Киночилар уйи”да кенг жамоатчилик ва ОAВ вакиллари иштирокида Тошкент шаҳар ИИББ ва Ўзбекистон Кинематография агентлиги ҳамкорлигида тасвирга олинган “Офицер 55” сериалининг трейлери бўйича брифинг бўлиб ўтди. Унда фильмнинг ижодкорлари, Тошкент шаҳар ИИББ ва “Ўзбеккино” Милий Агентлиги, соҳа ва оммавий ахборот воситалари вакиллари иштирок этди.
“Офицер 55”. Фильмдан кўзланган асосий мақсад - ёшлар ўртасида жиноят ва ҳуқуқбузарликларнинг олдини олиш, уларни жамиятда фойдали меҳнатга жалб этиш, қолаверса, ёш авлодни ушбу соҳага қизиқишларини оширишдан иборат.
Брифингда ижодий гуруҳ томонидан сериални суратга олишдаги қизиқарли жараёнлар, тасвирга олиш объектлари, ижодий гуруҳ фаолияти ҳақида атрофлича тўхталиб ўтилди.
Мазкур йирик лойиҳани амалга оширишда Тошкент шаҳар ИИББнинг кўмаги сезиларли бўлганлиги алоҳида таъкидлаб ўтилди. Шунингдек, Бош бошқарманинг масъул ходимлари актёрларга қуролдан фойдаланиш кўникмаси ва жанговар ҳаракатларни амалга оширишда амалий ёрдам кўрсатгани ҳам эътироф этилди.
Тез кунларда мамлакатимиз экранларида намойиш этилиладиган, ўн қисмдан иборат сериал миллий киносаноатида ўзининг муносиб ўрнини эгаллашига умид қиламиз.