Чилонзор тумани ИИО ФМБга 63 ёшли Гўзал Д. мурожаат қилиб, таниши 33 ёшли Раҳматулло Т. январь ойининг ўрталарида, унга хориждан 14 дона “Iphone 14 Pro Max” русумли телефонларни олиб келиб беришини ваъда қилган. Раҳматулло Гўзалдан жами 38.000 АҚШ долларини олиб, ваъдасини бажармай, пулларни ўз эҳтиёжлари учун ишлатиб юборган. Мазкур ҳолат юзасидан Ўзбекистон Республикаси Жиноят кодексининг 168-моддаси (“Фирибгарлик”) билан жиноят иши қўзғатилган. Тергов давом этмоқда.