15 Апрел 2023 йил 1200

"Долзарб 15 кунлик" доирасидаги ишлар давом этмоқда

Пойтахтимизда "Долзарб 15 кунлик" тезкор-профилактика чора-тадбирлари доирасида гиёҳвандлик воситалари ва психотроп моддаларни сақлаш ва сотиш фактларига барҳам бериш ишлари давом этмоқда.

Масалан, Учтепа тумани ИИО ФМБ ходимлари томонидан гиёхванд моддаларни тарғиб қилувчи ресурсларини тарқатиш ҳолати аниқланди. Тезкор-қидирув бўлими ходимлари туман ҳудудида кўп қаватли уйлар деворларига гиёхванд моддаларни тарғиб қилувчи флаерларни ёпиштириб юрган 29 ёшли Ровшан Г.ни қўлга олди. Вазиятга ойдинлик киритиш давомида, эркак ўтган йилнинг октябрь ойида интернет орқали иш топгани маълум бўлди. Шунингдек, Ровшан ксерокопия билан шуғулланувчи таниши, 26 ёшли Зоҳиджон К. унга ҳар бир варақ маълум бир ҳақ эвазига кўпайтиришга ёрдам берганини тан олди.
Аниқланган ҳолат бўйича баённома тузилиб, қонуний чоралар кўрилди.

Ҳурматли фуқаролар! Агар сиз ушбу шахсларнинг гиёҳванд моддалар граффитисини қўллаганига ёки гиёҳвандлик воситалари ва психотроп моддаларни реклама қилувчи варақалар тарқатганига гувоҳ бўлган бўлсангиз, 71-233-71-47, 71-233-49-46, 71-206-42-54 ёки 102 рақамлари орқали хабар беринг.

Барча янгиликлар

Text to speech