Тошкент шаҳридаги Қўйлиқ деҳқон бозори атрофидаги мавжуд тирбандликларни олдини олиш ва аҳолига қулайлик яратиш мақсадида, шунингдек Фарғона йўли кўчасини Бектемир шоссеси билан боғловчи йўл ўтказгич қуриш ҳамда йўл-таъмирлаш ишлари олиб борилаётганлиги муносабати билан, 2023 йилнинг 10 февраль кунидан бошлаб, Қўйлиқ деҳқон бозори орқали ҳаракатланувчи 39, 45, 110, 122, 130-сонли автобус йўналишлари ва 8И, 9И, 25М, 61М, 55М, 73М, 99М, 170М, 191М, 195М-сонли йўналишли такси йўналишларининг ҳаракати “ Food sity” савдо мажмуаси автошохбекатигача узайтирилади. Ушбу мажмуадаги автотураргоҳга кириш ва чиқиш бепул бўлиб, ҳайдовчилар учун барча шароитлар яратилган.
Бундан ташқари, “Food sity” савдо мажмуаси маъмурияти томонидан йўловчиларга қўшимча қулайликлар яратиш мақсадида, “Food sity” савдо мажмуаси – Қўйлиқ 7-метро бекати” йўналишида ҳаракатланувчи, 6 та жадвал асосида бепул автобус йўналиши ҳаракати йўлга қўйилган.