O‘zbekiston Respublikasi Jamoat xavfsizligi universiteti kunduzgi ta’lim shakliga o‘qishga hujjat topshirish istagida bo‘lgan nomzodlar 2025-yilning 20-mart kuniga qadar Toshkent shahar Ichki ishlar bosh boshqarmasi Ma’naviy-ma’rifiy ishlar va kadrlar bilan ta’minlash xizmati Ichki ishlar organlariga nomzodlarni qabul qilish markaziga (shaxsiy hujjatlari asli bilan) murojaat etishlari mumkin.

Nomzodlarga quyidagi talablar qo‘yiladi:

- O‘zbekiston Respublikasi fuqarosi bo‘lishi;
- yoshi o‘n yettidan kichik va yigirma beshdan katta bo‘lmasligi;
- o‘rta (11-sinf), o‘rta maxsus ma’lumotga ega bo‘lishi;
- Toshkent shahrida doimiy ro‘yxatda bo‘lishi;
-«Yo‘l-patrul xizmatining qo‘mondonlik-taktik faoliyati” yo‘nalishiga erkak nomzodning bo‘yi 175 santimetrdan, ayol nomzodning bo‘yi 170 santimetrdan past bo‘lmasligi,
-«Patrul-post xizmatining qo‘mondonlik-taktik faoliyati” yo‘nalishiga erkak nomzodning bo‘yi 170 santimetrdan, ayol nomzodning bo‘yi 165 santimetrdan past bo‘lmasligi
-«Pasport tizimini huquqiy ta’minlash” yo‘nalishiga erkak nomzodning bo‘yi 165 santimetrdan, ayol nomzodning bo‘yi 160 santimetrdan past bo‘lmasligi talab etiladi.

Manzil: Toshkent shahar Mirobod tumani, Said Baraka ko‘chasi.
(Toshkent shahar IIBB MMIVAKBTX Ichki ishlar organlariga nomzodlarni qabul qilish markazi)