O‘zbekiston Respublikasi huquqni muhofaza qilish Akademiyasi bakalavriyatining harbiylashtirilgan tuzilmalari bo‘yicha “Tergov faoliyati” yo‘nalishiga 2025/2026-o‘quv yili uchun o‘qishga hujjat topshirish istagida bo‘lgan nomzodlar 2025-yilning 1 mart kuniga qadar (soat 09.00dan 17.00gacha) Toshkent shahar Ichki ishlar bosh boshqarmasi Ma’naviy-ma’rifiy ishlar va kadrlar bilan ta’minlash xizmatiga (shaxsiy hujjatlari asli bilan) murojaat qilishlari mumkin.

Shuningdek, nomzod joriy yilning 1 martiga qadar O‘zbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligining maxsus elektron platformasida (https://my.uzbmb.uz/) ro‘yxatdan o‘tishi lozim.

Nomzodlarga qo‘yilgan talablar:
— O‘zbekiston Respublikasi fuqarosi bo‘lishi;
— Toshkent shahrida doimiy ro‘yxatda bo‘lishi;
— yoshi o‘n yettidan kichik va yigirma beshdan (muddatli harbiy xizmat va safarbarlik chaqiruvi rezervidagi harbiy xizmatni o‘tagan yoshi yigirma oltidan) katta bo‘lmasligi;
— o‘rta (11-sinf), o‘rta maxsus ma’lumotga ega bo‘lishi;
— erkak nomzodlarning bo‘yi 165 santimetrdan, ayol nomzodlarning bo‘yi 160 santimetrdan past bo‘lmasligi talab etiladi.

Manzil: Toshkent shahar Mirobod tumani, Said Baraka ko‘chasi. (Toshkent shahar IIBB MMIVAKBTX Ichki ishlar organlariga nomzodlarni qabul qilish markazi).