Yangihayot tumanidagi 331-sonli umumtaʼlim maktabida tumani ichki ishlar organlari faoliyatini muvofiqlashtirish boshqarmasi boshlig‘i 3-sektor rahbari podpolkovnik Sarvar Jo‘rayev tashabbusi bilan o‘tkazilgan "Yoshlar milliylik targ‘ibotchilari" ko‘rik-tanlovining tantanali taqdirlash marosimi bo‘lib o‘tdi.

Tadbirga tuman maktabgacha va maktab taʼlimi bo‘limi boshlig‘i Umida Aripova, yoshlar ishlari agentligi rahbari Sohib Baxromovich, 3-son IIB boshlig‘i, Marhamat mahallasi raisi Baxtiyor Mirzaqulovlar tashrif buyurishdi.

Ko‘rik-tanlov 11-sinflar o‘rtasida o‘tkazilib, o‘quvchilar hafta davomida mashg‘ulotlarda milliyligimizni aks ettiruvchi liboslarda ishtirok etishlari, davomat va odob-axloq qoidalari hamda videorolik shartlari bo‘yicha baholandilar. Yuqori ko‘rsatkichlarni qayd etgan sinflar 3-sektor rahbari tomonidan qimmatbaho sovg‘alar bilan munosib rag‘batlantirildi. Bu kabi tadbirlar yoshlar o‘rtasida milliy g‘urur, vatanga sadoqat va xalqqa muhabbat kabi tuyg‘ularni keng targ‘ib qilishga xizmat qiladi.