2023-yilning 31-oktabr kuni “Intercontinental” mehmonxonasida Toshkent shahar IIBB YHXB va “GROSS” sugʻurta kompaniyasi oʻrtasida yoʻl harakati xavfsizligini ta’minlash borasida hamkorlik toʻgʻrisidagi memorandumni imzolash marosimi boʻlib oʻtadi. Bu Toshkent shahar IIBB YHXB tomonidan yoʻllardagi holatni yaxshilash uchun amalga oshirilayotgan chora-tadbirlardan biridir. 2023-yil 9 oy davomida Toshkent shahrida 914 ta yoʻl-transport hodisasi qayd etilgan. Bunday hodisalarning aksariyati yoʻl harakati qoidalariga rioya qilmaslik bilan bogʻliq. Toshkent shahar Yoʻl harakati xavfsizligi inspeksiyasi va “GROSS” kompaniyasi oʻrtasidagi hamkorlik “Xavfsiz Harakat” ijtimoiy loyihasini amalga oshirishga qaratilgan boʻlib, uning maqsadi haydovchilar xabardorligini oshirish, ularning svetofor va tezlik meʼyorlariga rioya qilishlarini targʻib qilish hamda buning natijasida poytaxt yoʻllarida baxtsiz hodisalarni kamaytirishdan iboratdir. Loyiha tashabbuskori GROSS kompaniyasi boʻlib, u avvaliga korporativ darajadagi trafik muammolarga eʼtibor qaratdi, keyin esa ijtimoiy loyihani amalga oshirish taklifi bilan chiqdi. “Xavfsiz Harakat” – yoʻl harakati xavfsizligini taʼminlashga qaratilgan keng koʻlamli ijtimoiy loyihadir. Loyihaning bosqichlarida xavfsiz piyodalar oʻtish joylarini tashkil etish, haydovchilarning svetofor va belgilangan tezlik meʼyorlariga rioya etishi, transport vositalari yoʻlovchilarining xavfsizligini ta’minlash kabi yoʻl harakati muammolariga eʼtiborni jalb qilishga qaratilgan qator tadbirlar oʻrin olgan. Oʻzbekiston Respublikasi boʻylab LED ekranlardan foydalangan holda, yoʻl harakati ishtirokchilariga asosiy xavfsizlik qoidalarini eslatib turuvchi keng qamrovli axborot kampaniyasining harakatlari loyihaning boshlanishi boʻldi. Ushbu aksiyaning maqsadi - qoidalarini buzish koʻpincha ayanchli oqibatlarga olib keladigan yoʻl belgilariga haydovchilar eʼtiborini   jalb qilishdir.   Loyiha hamkori bilan birgalikda “Uzum Market” kompaniyasi tomonidan piyodalar uchun shopper oʻylab topildi va ishlab chiqarildi. Shopperda piyodalar oʻtish belgisi va oʻzida yorugʻlikni aks ettiruvchi jihatlar mavjud boʻlib, bu piyodalarni yoʻllarda, ayniqsa, tungi vaqtlar davomida yanada aniqroq koʻrinib turishiga yordam beradi. “Xavfsiz Harakat” loyihasi baxtsiz hodisa jabrlanuvchilarini “Sahar” guruhi rahbari Anvar Joʻrayev va reper Konsta bilan birgalikda “Yashagim kelar” qoʻshigʻida tinglanishlarini va oʻz hikoyalarini baham koʻrish imkonini ham beradi. Musiqa loyiha uchun maxsus yozilgan. Video hozirda suratga olinmoqda va tez orada taqdim etiladi. Haydovchilar oʻrtasida avtomobil haydash madaniyatini yuksaltirish “Xavfsiz Harakat” loyihasining asosiy maqsadlaridan biridir. Shuning uchun ham vijdonli haydovchilarni ragʻbatlantirish loyihaning oʻziga xos jihati hisoblanadi. Yil davomida yoʻl harakati qoidalarini buzmagan yoki baxtsiz hodisa sodir etmagan haydovchilar loyiha tashkilotchilaridan minnatdorchilik maktublarini oladilar va alohida shartlar asosida ixtiyoriy avtomashina sugʻurta polisini ahamiyatli darajadagi chegirma bilan qoʻlga kiritishlari mumkin boʻladi. “Biz yetakchilik koʻnikmalari nafaqat katta bozor ulushi va kompaniyaning betakror moliyaviy koʻrsatkichlarini taxmin qiladi, balki, bu omil jamiyat oldidagi yuqori masʼuliyat darajasi va kishining talabchanligini oshirishiga ham. chin dildan ishonamiz. Mana 12 yildirki, har kuni yoʻl-transport hodisalarining oqibatlari bilan toʻqnash kelamiz. Biz sugʻurta shartnomalari shartlari boʻyicha oʻz majburiyatlarimizni vijdonan bajaramiz, avtomobil egalariga har qanday baxtsiz hodisa natijasida yuzaga kelgan moddiy yoʻqotishlarni qoplashda yordam beramiz. Ammo, koʻpincha, avtohalokatlar nafaqat moddiy zarar, balki kishilarning oʻlimiga ham olib kelishini eʼtiborga olmay qoʻyolmaymiz. Shuning uchun, GROSS kompaniyasi moddiy yoʻqotishlarni qoplashdan ham uzoqroqni koʻzlashga, yoʻllarda sodir boʻlayotgan oʻlim holatlarini kamaytirish uchun hissa qoʻshishga qaror qilgan”, –  deydi “GROSS Sugʻurta kompaniyasi” AJ boshqaruvi raisi Otabek Hasanovich Nazarov. Toshkent shahar IIBB Yoʻl harakati xavfsizligi boshqarmasi boshligʻi, polkovnik Jalilov Rafiqjon Qoʻldoshevich shunday deydi: “GROSS sugʻurta kompaniyasining “Xavsiz Harakat” qoʻshma ijtimoiy loyihasi boʻyicha tashabbusini qoʻllab-quvvatlaymiz, chunki tahlillar shuni koʻrsatdiki, baxtsiz hodisalarning koʻpchiligi yoʻl harakati qoidalariga rioya qilmaslikdandir. Hamkorlik haydovchilarning mas’uliyatini oshiradi, bilimini mustahkamlaydi va pirovardida, biz koʻrayotgan boshqa chora-tadbirlar qatorida, yoʻl-transport hodisalari sonini kamaytiradi”. Loyihaning bosqichlari bilan tanishish uchun www.xavfsiz-harakat.uz   veb-sayti, Instagram, Facebook ijtimoiy tarmoqlari, Telegram messenjerida maxsus sahifalar kabi axborot platformalari yaratildi. Bu manbalarda loyiha haqidagi barcha soʻnggi maʼlumotlarni olishingiz, shuningdek, yoʻl harakati qoidalari boʻyicha bilimingizni sinovdan oʻtkizishingiz, yoʻl-transport hodisalarida jabrlangan insonlarning hikoyalari bilan tanishishingiz, shahar yoʻllaridagi dolzarb muammolar yuzasidan soʻnggi yangiliklar va ular qanday hal qilinayotganligi haqida bilib borishingiz mumkin.