11 noyabr – O‘zbekiston kasaba uyushmalari kuni arafasida bosh boshqarma rahbariyati tashabbusi bilan shahar Ichki ishlar xodimlari birlashgan kasaba uyushmasi qo‘mitasi bilan hamkorlikda bayram tadbiri tashkil etildi. Tadbir "Yur taraqqiyot yo‘lida birlashaylik" shiori ostida o‘tkazildi.

Tadbir davomida ishtirokchilar kasaba uyushmasining 120 yillik tarixiga va bugungi kundagi olib borilayotgan xodimlarning ijtimoiy-iqtisodiy, huquqiy, maʼnaviy-maʼrifiy, sport- sog‘lomlashtirish borasidagi xayrli ishlariga yuksak baho berdilar. Shuningdek, zamonaviy chaqiriqlarga javoban, huquq-tartibot organlari xodimlarini qo‘llab-quvvatlash va himoya qilish borasida shahar ichki ishlar organlari xodimlari birlashgan kasaba uyushmasi qo‘mitasining faoliyati alohida taʼkidlandi.

Tadbir yakunida, kasaba uyushmasi faoliyatiga o‘z hissasini qo‘shgan bir guruh xodimlar va o‘z xizmat vazifalarini bajarishda fidokorona xizmat olib borayotgan 45 nafar yosh xodimlarga esdalik sovg‘alari topshirildi.

Shuningdek, xizmat burchini ado etish chog‘ida halok bo‘lgan xodimlarning oilalariga alohida eʼtibor qaratildi. Ularning oila aʼzolariga poytaxt IIBB birlashgan kasaba uyushmasi qo‘mitasi nomidan minnatdorchilik va hurmat sifatida sovg‘alar taqdim etildi, bu ularning jamiyat oldidagi beqiyos qurbonliklariga bo‘lgan hurmatni ifodalaydi.