Yig‘ilishda qotillik jinoyati sodir etilishining obyektiv va subyektiv sabablari muhokama qilinib, mas’ullardan tushuntirishlar so‘raldi.

Tahlillarga ko‘ra, tumanning "Xabib Abdullayev" mahallasida joriy yilning 12 oyida 10 ta jinoyat qayd etilgan, shundan 3 tasi oldini olish mumkin bo‘lgan jinoyatlarni tashkil etgan.

Tanqidiy ruhda o‘tkazilgan yig‘ilishda, "Xabib Abdullayev" MFY "mahalla yettiligi" va "ijtimoiy profilaktika"ga mas’ul bo‘lgan mutasaddilarga mahalladagi yoshlar, xotin-qizlar, muqaddam sudlanganlar va ishsizlar jinoyatchiligini oldini olish maqsadida ularning bandligini ta’minlash, ular bilan individual profilaktik tadbirlar o‘tkazish, shu jumladan, ijtimoiy-iqtisodiy muammolari o‘rganilib, hal etilishi yuzasidan ko‘rsatma va topshiriqlar berildi.