Hurmatli Respublikamiz Qurolli Kuchlari harbiy xizmatchilari, hamkasblar, faxriylar, ustozlar va Vatan himoyasi yo‘lini tanlagan sharafli kasb egalari!
Sizlarni O‘zbekiston Respublikasi Qurolli Kuchlarining 33 yilligi hamda “14 yanvar – Vatan himoyachilari kuni” munosabati bilan Toshkent shahar Ichki ishlar bosh boshqarmasi shaxsiy tarkibi va shaxsan o‘z nomimdan samimiy muborakbod etaman!
Sizlarga sihat-salomatlik, baxt-saodat, xonadoningizga tinchlik, xotirjamlik, fayzu baraka tilayman! O‘z hayotini yurtimiz tinchligi va osoyishtaligi, fuqarolarimizning huquq va erkinliklarini himoya qilish, jamiyatimizda qonun ustuvorligini ta’minlashdek sharafli va mas’uliyatli ishga bag‘ishlab kelayotgan Siz azizlar, muhtaram faxriylar, bu yo‘lda xizmat burchini bajarish chog‘ida halok bo‘lgan hamkasblarimizning oila a’zolariga chuqur minnatdorlik izhor etaman.
Muhtaram hamkasblar, Qurolli Kuchlarimiz harbiy xizmatchilari, Vatanni himoya qilishdek sharafli va mas’uliyatli ishlaringizda omad doimo yor bo‘lsin! Yurtimiz tinch, osmonimiz musaffo bo‘lsin!

Hurmat bilan,
Toshkent shahar Ichki ishlar bosh boshqarmasi boshlig‘i
general-mayor Aziz Tashpulatov