Bugun, Tibbiyot xodimlari kuni munosabati bilan biz chuqur hurmat va minnatdorchilik bilan Toshkent shahar IIBB Tibbiyot bo‘limida faoliyat yuritayotgan barcha shifokorlar, hamshiralar va barcha tibbiyot xodimlariga murojaat qilmoqchimiz.

Ichki ishlar organlari xodimlarining salomatligini saqlash – bu samarali xizmat va jamiyatimizda tartibni taʼminlashning muhim qismidir. Sizning o‘z ishiga fidoyi bo‘lganligingiz, o‘z kasbingiz ustasi va insonlarga nisbatan g‘amxo‘rligingiz salomatlik va xavfsizlik uchun poydevor yaratadi. Tinchlikni va xavfsizlikni himoya qiluvchi xodimlarning sog‘lom bo‘lishida sizlar mustahkam asos bo‘lib xizmat qilmoqdasizlar.

Har yili noyabr oyining ikkinchi yakshanbasida mamlakatimizda Tibbiyot xodimlari kuni keng nishonlanadi. Bugun biz ushbu sharafli kasbni tanlagan barcha tibbiyot xodimlarini tabriklaymiz. Sizlar ichki ishlar organlari xodimlarining diagnostika, davolash va sog‘lig‘ini tiklashda o‘zingizdagi kasbiy malaka va fidoyilikni namoyon etyapsiz va bunga chuqur minnatdorchilik bildirgan holda tabriklaymiz.

Sizlarga mustahkam sog‘lik, uzoq va baxtli umr, hamkasblaringiz va bemorlaringizdan munosib hurmat, shuningdek, o‘zingiz bajarayotgan ulkan va sharafli ishda muvaffaqiyatlar tilaymiz. Sizning malakangiz va mahoratingiz doimo yuqori baholansin.

Bayramingiz muborak, aziz tibbiyot xodimlari!