Xabaringiz bor, 2023 yil 22 dekabr kuni davlatimiz rahbari raisligida o‘tkazilgan Respublika Maʼnaviyat va maʼrifat Kengashi yig‘ilishida idora va muassasalarda har oyning bir kunini “Teatr kuni” deb eʼlon qilish taklif etilgan edi. Prezident tomonidan berilgan topshiriqlar hamda Hukumatning tegishli hujjatlari ijrosini taʼminlash maqsadida, Toshkent shahar IIBB shaxsiy tarkibi bilan o‘tkazilgan navbatdagi Maʼnaviyat va maʼrifat darsi “Holiq Xursandovning “Qaytar dunyo” nomli spektakli” mavzusiga bag‘ishlandi. Tadbir davomida Muqimiy nomidagi O‘zbek davlat musiqali drama teatrining aktyorlari ishtirokchilarga shu spektaklni namoyish etishdi. Ushbu spektakl inson qadri, farzandlar tarbiyasi, ota-onalarimizga nisbatan mehr-oqibatli bo‘lish haqida hikoya qiladi.

Tomoshabinlar ajoyib ijrodan madaniy hordiq chiqarishdi. Yaxshi kayfiyat va unutilmas yorqin taassurotlarni hadya etgan spektakl so‘ngida aktyor va aktrisalar bilan ijodiy uchrashuv ham tashkil etildi.