Ижтимоий тармоқларда номаълум шахс қўп қаватли уйлардан биридаги хонадон эшигини тақиллатиб, сўнг кетганлиги акс этгван видео тарқалган. Мазкур видео юзасидан Тошкент шаҳар ИИББ ходимлари томонидан олиб борилган терговга қадар текширув натижасида видеода акс этган фуқаронинг шахси аниқланди.
Маълум бўлишича, жорий йилнинг 16 декабрь куни тахминан соат 00.40 ларда 1981 йилда туғилган Қ.Ш. Хоразм вилоятидан Тошкент шаҳрига иш билан келган ва кеч қолиб кетганлиги сабабли Чилонзор туманида истиқомат қилувчи танишининг уйида тунаб қолиш учун унинг уйига бормоқчи бўлган. Бироқ Қ.Ш. кўп қаватли уйларнинг йўлакларида адашиб қолган ва кўп қаватли уйга кириб, хонадонлардан бирининг эшигини тақиллатган, эшикни ҳеч ким очмаганидан сўнг кетган.
Мазкур ҳолат юзасидан иштирокчиларнинг барча важлари тўлиқ текширилиб, қонуний қарор қабул қилиниши таъминланади.