Toshkent shahar IIBB PPX xodimlari Shayxontohur tumani, Nurafshon ko‘chasida xizmat olib borayotib, yo‘l chetida turgan «Spark» rusumli avtomashinani tekshirish maqsadida to‘xtashgan. Avtomashina haydovchisi xodimlarni ko‘rib, o‘zining xatti-harakatlari bilan shubha uyg‘otgan. Shundan so‘ng, 37 yoshli Sherzod A.ga tegishli avtomashina saloni xolislar ishtirokida tekshirilganda, haydovchi o‘rindig‘i ostida qora rangli sellofan paket ichida 272 dona “Regapen” va 2 ta quti “Tropikamid” kuchli taʼsir etuvchi psixotrop moddalari borligi aniqlandi. Shuningdek, avtomashina saloni ichidan paketga joylangan o‘tkir hidli modda ham topilgan.