Shayxontohur tumanida yurtboshimiz tomonidan joriy yilning 3 yanvar kuni imzolangan PQ-1 sonli Qarorda belgilangan chora-tadbirlar ijrosini taʼminlash hamda mahallalarda amalga oshirilayotgan ishlar yuzasidan yig‘ilish bo‘lib o‘tdi. Xalqaro Islom Akademiyasida o‘tkazilgan mazkur uchrashuvda tuman sektor rahbarlari, mahalla yettiligi, masʼul idoralar va tashkilot mutasaddilari hamda sohaviy xizmat rahbarlari ishtirok etdi.

Muhokama jarayonida “Mannon Uyg‘ur”, O‘zbekiston”, «Ibn Sino», “Eski Jarariq”, “Shayxontohur”, “Gulbozor”, “Ko‘kcha”, «Sarxumdon», «Kamolon», “Olim Xo‘jayev”, “Samarqand Darvoza”, “Chaqar”, “Oqilon”, “Katta Xovuz”, «Suzukota», “Yangiobod”, “Bog‘-ko‘cha”, “Ilg‘or”, “Kamolon Darvoza”, “Tinchlik”, “Bo‘ston”, “Katta Jarariq”, «Xuvaydo», “Yangi Jarariq” va “Zangiota” mahallalarda profilaktik ishlarni manzilli tashkil qilish choralari yetarli darajada yo‘lga qo‘yilmaganligi taʼkidlandi. Ushbu mahallalar yettiligining faoliyati tanqidiy muhokama qilinib, masʼul rahbarlarga tegishli topshiriqlar berildi.

Yig‘ilish so‘ngida, qaror ijrosini taʼminlash borasida samarali mehnat qilib, boshqalarga o‘rnak bo‘layotgan ichki ishlar bo‘limlari boshliqlari tuman hokimi tomonidan tashakkurnoma va esdalik sovg‘alar bilan taqdirlandi.