IIV 1-sonli Toshkent akademik litseyida poytaxt IIBB JTSB Kinologiya bo‘limi xodimlari tomonidan yoshlar o‘rtasida giyohvand moddalar va psixotrop dori vositalarining zararlari haqida tushunchalar berish maqsadida uchrashuv bo‘lib o‘tdi.

Mazkur tadbirda bo‘lim kinologlari tomonidan o‘quvchilarga xizmat itlarini tarbiyalash, davolash, oziqlantirish hamda ular bilan mashg‘ulotlar olib borish bo‘yicha tushuntirishlar berildi. Uchrashuvda kinologlar tomonidan xizmat itlari yordamida ko‘rgazmali chiqishlar namoyish etildi. Eng eʼtiborlisi, mashg‘ulotlarda sohaga qiziqqan o‘quvchilar ham ishtirok etib, o‘z qobiliyatlarini sinovdan o‘tkazishdi.

Tadbir yakunida soha mutaxassislari o‘quvchilarni qiziqtirgan savollarga javob qaytarishdi.