Uchtepa tumani IIO FMBga kelib tushgan xabarga ko‘ra, joriy yilning may oyida, noma'lum shaxs o‘quv markazining kirish eshigini buzib kirib, telefon va noutbukni o‘g‘irlab ketgan. Ko‘rilgan chora-tadbirlar natijasida, ushbu jinoyatni sodir etishda gumon qilingan 30 yoshli Mirjalol K. aniqlanib, qo‘lga olingan. Mazkur holat yuzasidan O‘zbekiston Respublikasi Jinoyat kodeksining 169-moddasi (“O‘g‘rilik”) bilan jinoyat ishi qo‘zg‘atilgan. Tergov davom etmoqda.

Hurmatli fuqarolar! Bugungi kunda zamonaviy texnologiyalar yordamida uy-joy va mol-mulkingizni, qolaversa, o‘zingizning xavfsizligingizni ta'minlashga keng imkoniyatlar yaratilgan. Xonadoningiz va mulkingiz daxlsizligini istasangiz Markazlashgan qo‘riqlash markazi himoyasiga topshirishingizni tavsiya etamiz.