25-oktabr — Ichki ishlar organlari xodimlari kuni munosabati bilan har yili soha xodimlari o‘rtasida sport musobaqalarini o‘tkazish anʼanaga aylangan. Joriy yilda ham bu anʼanaga sodiq qolgan holda poytaxt IIBB tomonidan Mini-futbol bo‘yicha  musobaqalar start oldi. Bellashuvlarda Bosh boshqarma va uning quyi tizimlaridan tashkil topgan 18 ta jamoa ishtirok etmoqda. Taʼkidlash joizki, bahslar juda keskin va qiziqarli o‘tmoqda. Har bir jamoaning jismoniy tayyorgarligi yuqoriligini alohida taʼkidlash o‘rinlidir. Ayni damda Bosh boshqarma markaziy apparati, YHXB, PPXB va Shayxontohur tumani IIO FMB jamoalari yarim finalga yo‘l olishdi. O‘z muxlislariga ega bo‘lgan mazkur musobaqaga qiziqish yana-da ortib bormoqda. Muxlislarning qo‘llab-quvvatlashi jamoalarning g‘alabaga bo‘lgan ishonchini yana-da ortishiga xizmat qilishi shubhasiz. Hademay g‘oliblar aniqlanadi. Biz esa ularga omad va g‘alaba tilab qolamiz.