Avval xabar berganimizdek, 25 oktyabr – Ichki ishlar organlari xodimlari kasb bayramiga bag‘ishlab, Toshkent shahar “Dinamo” JTSJ kengashining joriy yil Spartakiadasidan o‘rin olgan sportning “mini-futbol” turi bo‘yicha musobaqalarga 15 oktyabrda start berilgan edi. Unda Bosh boshqarma va uning quyi tizimlaridan 18 ta jamoa ishtirok etganini eslatib o‘tamiz. Keskin va murosasiz davom etgan bellashuvlarda Bosh bosh markaziy apparati, Yo‘l harakati xavfsizligi boshqarmasi, Patrul-post xizmati brigadasi va Chilonzor tumani IIO FMB jamoalari yarim finalga chiqishgani haqida xabaringiz bor. Mana musobaqaning  yakuniy bosqichi ham bo‘lib o‘tib, g‘oliblar aniqlandi. G‘oliblik uchun Qizg‘in kurashgan jamoalarning saʼy-harakatlarini xolislik va katta qiziqish bilan kuzatgan hakamlarning qarori quyidagicha bo‘ldi: Chilonzor tumani IIO FMB jamoasi III-o‘ringa munosib deb topildi. II-o‘rin Yo‘l harakati xavfsizligi boshqarmasi hamda I-o‘rin Bosh boshqarma markaziy apparati terma jamoalariga nasib etdi. G‘oliblarga diplom va qimmatbaho sovg‘alar topshirildi.