Bugun poytaxt IIBB Majlislar zalida Bosh boshqarma boshlig‘i, polkovnik Ravshan Sultanxodjayev tomonidan videoselektor yig‘ilishi o‘tkazildi. Unda Bosh boshqarma boshlig‘i o‘rinbosarlari, sohaviy xizmatlar hamda mustaqil bo‘limlari, tuman IIO FMB boshliqlari, ularning o‘rinbosarlari, IIBB YHXB hududiy batalon komandirlari ishtirok etishdi. Yig‘ilish avvalida polkovnik Ravshan Sultanxodjayev o‘tgan haftada belgilangan topshiriqlar bo‘yicha amalga oshirilgan ishlar ijrosiga to‘xtaldi. So‘ngra IIBB boshlig‘i o‘rinbosari, polkovnik A.Abdurazakovning poytaxtdagi kriminogen vaziyat haqidagi axboroti tinglandi. Shuningdek, kun tartibidagi masalalar: joriy yilning 3 yanvarida Prezidentimiz tomonidan qabul qilingan mahallalarda xavfsiz muhitni yaratish va huquqbuzarliklarning barvaqt oldini olish tizimini yaratish bo‘yicha chora-tadbirlari haqidagi qarorining ijrosi, mazkur qarorning davriy ijrosi sifatida amalga oshirilayotgan hududlarni kameralashtirishga doir ishlarning borishi to‘g‘risidagi ma’lumotlarga o‘rin berildi. Yig‘ilganlarning diqqatiga joylarda jismoniy va yuridik shaxslarning murojaatlari bilan ishlash, ularda ko‘tarilgan muammolarga yechim topish, haq-huquqlarini himoya qilish bo‘yicha qilinayotgan ishlarning ahvoli tahliliga e’tibor qaratildi. Yig‘ilish so‘ngida muhokama etilgan masalalar bo‘yicha yo‘l qo‘yilgan xato va kamchiliklar qayd etilib, tegishli xulosalar berildi hamda keyingi hafta amalga oshiriladigan ishlari belgilab olindi.