Toshkent shahar IIBB shaxsiy tarkibi bilan o‘tkazilgan navbatdagi Maʼnaviyat va maʼrifat darsi “Bayroq – hurlik timsoli, ezgulik ramzi” mavzusiga bag‘ishlandi. Tadbirda O‘zbekiston Yozuvchilar uyushmasi vakili Maʼmura Zohidova maʼruza qildi. U o‘z nutqida, Vatan bayrog‘i – muqaddas ekanligini, ajdodlar orzu-armoni aks etgan xalqimizning buguni, kelajakka bo‘lgan komil ishonchi jilolangan bu qutlug‘ ramzni asrashimizni, zero, chinakam vatanparvarlik shundan boshlanishini alohida taʼkidlab o‘tdi.

Tadbir yakunida ishtirokchilarga “Tahlilnoma” axborot dasturi namoyish etildi.