Toshkent shahar IIBB shaxsiy tarkibi bilan o‘tkazilgan navbatdagi Maʼnaviyat va maʼrifat darsi “Korrupsiyaga qarshi kurashish - taraqqiyot kafolati” mavzusiga bag‘ishlandi. Tadbirda O‘zbekiston Respublikasi Bosh prokuraturasi huzuridagi iqtisodiy jinoyatlarga qarshi kurashish departamentining vakili, yuridik fanlar nomzodi Xasan Hayitov maʼruza qildi. U o‘z maʼruzasida, davlat taraqqiyotiga to‘sqinlik qiluvchi salbiy omil sifatida korrupsiyaga qarshi kurashish umummilliy ish ekanligini, unda barcha manfaatdor vazirliklar, idora va tashkilotlar, shuningdek, mamlakatimiz fuqarolari ishtirok etishi kerakligini alohida taʼkidlab o‘tdi.