Fuqarolarning murojaatlari bilan ishlash tizimi samaradorligini oshirish maqsadida, joriy yilning 25-dekabr (payshanba) kuni Ichki ishlar vazirligi hamda vazirlik huzuridagi Jazoni ijro etish departamenti rahbariyati tomonidan fuqarolar qabuli oʻtkaziladi.

Qabulda Jazoni ijro etish tizimiga oid masalalari yuzasidan murojaatlar koʻrib chiqiladi.

Qabul Toshkent viloyati, Zangiota tumani, Bogʻzor qoʻrgʻonidagi “Sadoqat bogʻi”ning majlislar zalida, soat 10:00 dan boshlab oʻtkaziladi.

Moʻljal: Birinchi mintaqaviy hudud 21-son jazoni ijro etish koloniyasi.

© IIV Axborot xizmati