Joriy yilning 20 sentyabridan 20 oktyabriga qadar Giyohvandlikka qarshi kurashish oyligi deb eʼlon qilindi. Uning doirasida ichki ishlar organlari xodimlari tomonidan taʼlim muassasalarida, tashkilotlarda va mahallalarda profilaktik-tushuntirish tadbirlari, uchrashuvlar, davra suhbatlari davom ettirilmoqda.

Mirobod tumanidagi 125 hamda 213-umumtaʼlim maktablarida o‘tkazilgan uchrashuvlarda tuman IIO FMB xodimlari yuqori sinf o‘quvchilariga giyohvandlik vositalari va psixotrop moddalarni isteʼmol qilish nimalarga olib kelishini misollar bilan tushuntirib berdilar. Giyohvandlik - yosh avlodni barbod qiluvchi, taqdirlarni sindiruvchi, jar yoqasiga, o‘limga olib boruvchi illat ekanligini taʼkidladilar. Ishtirokchilar kerakli maʼlumotlarni olib, o‘zlari uchun tegishli xulosalar chiqarishdi.

Tadbirlar davomida o‘quvchilar mavzu yuzasidan o‘z fikr-mulohazalarini bildirib, savollar bilan murojaat qilishdi.