Ichki ishlar vazirligi tarkibiy tuzilmalari o‘rtasida sportning futbol turi bo‘yicha “Ichki ishlar vaziri kubogi” musobaqasining uchinchi (chorak, yarim va final bahslari) bosqichiga start berildi.

Toshkent shahar IIBB o‘rin olgan “B-guruhi” dan IIV Qorovul qo‘shinlari qo‘mondonligi, Qoraqalpog‘iston Respublikasi IIV hamda Jizzax viloyati IIB terma jamoalari o‘zaro maydonda kuch sinashishi ma’lum bo‘ldi.

Toshkent shahar Ichki IIBB terma jamoasi 9-mart kuni Jizzax viloyati IIB terma jamoasiga qarshi maydonga tushdi va 0:0 hisobi qayd etilgan bo'lsa, 10-mart kuni vakillarimiz Qoraqalpog‘iston Respublikasi IIV terma jamoasiga qarshi bahs olib bordi hamda 1:0 hisobida g‘alaba qozondi.

Terma jamoamiz vakillari 11-mart kuni IIV Qorovul qo‘shinlari qo‘mondonligi terma jamoasiga qarshi maydonga tushadi. Vakillarimizga Toshkent shahar IIBBning shaxsiy tarkibi nomidan muvafaqiyat tilaymiz.